موضوع مهم لكل اعضاء المنتدي الرجاء الدخول

من طرف **Admin** السبت ديسمبر 22, 2007 1:44 am

ازيكم يا شباب وياشبات عاملين اية طبعاً الكل عارف ان عندنا في المنتدي قسم خاص بالحياة الزوجية وطبعاً القسم معدتش شغال لحد دلوقتي لأن طبعاً محنش عارفين رسنا من رجلينا طبعاً القسم دة المفروض انه يتكلم عن الحياة الزوجية والقسم الفروض هيتكلم عن كل حاجة وعن الامور الحساسة بين الزوجية اللي المفروض كل واحد وكل فرد يبقي عارفها لأنها حاجة مهمة جداً لأن طبعأ الانسان مينفعش يجمع حاجة غير ما يكون معاة طريقة كيفية تجميعهاولا هتتجمع معاه غلط وممكن تنكسر منة دة تعبير عن اللي أنا عاوز اقولة ياريت تفهمو قصدي منه طبعاً القسم مش عارفين نتكلم بية بحرية وطبعاً انا عاوز اعرف رأي الاعضاء هل نحذف القسم دة خالص ولا نخلية ونكمل ونتكلم بحرية ولا نعمل اية بالضبط ياريت اعرف رأي الاعضاء كلهم علشان ناخد قرار

من طرف **ناني** السبت ديسمبر 22, 2007 1:49 am

راي خليه عادي

فعلا معلومات بنجمعها

والعارف حاجه يكتبها

من طرف romio السبت ديسمبر 22, 2007 1:51 am

لألألألألألألألألألألألألألألألألألألألألألألألألألألأ

ما تشيلووووووووووووووووووش

سيبه يا نجم

من طرف **SEMSEM** السبت ديسمبر 22, 2007 1:55 am

انا اختلف معاكم لان اغلب اعضاء المنتدي سنهم صغير واقل من 18 سنة وراجع كدة براحتك والممنوع مرغوب صدقني والاختلاف في الراي لا يفسد للود قضيه

بس انا شايفه ان حتي لو حد قرا ومش فاهم هيتكسف يسال
يبقي ايه لزمتة عموما من حق كل واحد يقول رايه؟

من طرف **Admin** السبت ديسمبر 22, 2007 2:43 am

ياسمسم عادي لو حد سأل علي حاجة مش فاهمها
دة مش عيب
العيب انة يبقي مش عارف ويسكت وميسألش
لأن هدفنا الاول هو توصيل المعلومة
واللي يقرأ يستفاد
ويعرف
ويتثقف
ودي حاجة موجودة وغريزة ربنا وضعها فينا
وكل واحد وواحده هيتجوزا
وهيبقي دي حاجة عادية واساسية
وبالعكس
النقطة دي اول حاجة بتقابلها البنت
وبيقابلها الولد في اول ليلة
وبعدين انا عاوز كل واحد يسأل نفسة سؤال
انا ازاي جيت
بس
ولا خلاص البشرية هتقف علي كدة
زمان كل واحد دلوقتي بيقول محمد مش مؤدب
محمد وحش
بس ربنا لوحدة اعلم
وانا عن نفسي
عندي حل بس مش هعمله هنا
ان انا كدة كدة هفتح منتدي خاص بالحياة الزوجية بس
ومنفصل عن احباب
يعني ملوش علاقة بأحباب
لأن الرسول قال من تعلم منكم العلم فليعلمة

وربنا قال
ان الله يخشي من عبادة العلمء
انا مش بقول انا عالم
لاء
بس بقول عندي معومات كافية وكتير وصحيحة
فلازم افيد بيها غيري
منتظركم

من طرف **ناني** السبت ديسمبر 22, 2007 2:59 am

صح كلام محمد صح

من طرف **SEMSEM** السبت ديسمبر 22, 2007 2:29 pm

والله انا مقلتش حاجة بس انت كصاحب للمنتدي شوف كام واحد قرا من اعضاء المنتدي واتحداكم لو واحد فيهم رد او كان عندة الجراءه انه يرد او يتناقش في اي حاجة صح ولا كلامي غلط يامحمد

من طرف موني السبت ديسمبر 22, 2007 2:47 pm

انا راي سيبه عادي وكمل واحنا فعلا بنرد علي الموضوع واللي عارف حاجه بيزوده بس يكون متاكد منها كمل يا محمد بس هي المشكله انك انت بس اللي هتحط المواضيع مش عشان احنا مكسوفين نحط عشان احنا فعلا مش عندنا مصدر موثوق منه ننقل منه الكلام

من طرف **WINNE_REDPOOH** السبت ديسمبر 22, 2007 10:28 pm

ياجماعة ياريت محدش يزعل من اي كلمه هكتبها لاني هقول كلام يزعل

كل الي هنا بينفقوا نفسهم
كل لي قال خلي القسم قال خليهم وهو فياغلب المواضيع بيدخل بس يقرا وميردش ولو رد بيعملي فيها فاهم ويقول معلومة عادي اصغر حد بيكون عارفها او يدخل يقول جزاك الله خير
القسم ده كام واحد بيدخل فية وميردش وكام واحد اقل من 18 سنة بيدخل وبيقرا وميردش انا واحدة من الناس اكبر من 18 ودخلت في موضوعين قريت وطلعت
اتنكسفت من نفسي اني قريت
واتكسفت حتي اني افكر ارد
مين قال ان لازم نكون عارفين كل حاجة
كان زمان الناس بقي عملوا زينا وقبل ميكون في حياة زوجية عرفوا كل حاجة
وبعدين الكل عايز يثبت انوا دمقراطي وعادي جدا خليالموضوع وفيها اية اصل احنا بلددمقراطي بفي حرية التعبير
بس دي مش حرية تعبير
دي حرية الكلام في حاجات غلط حتي اننا نفكر نتكلم عنها وبلاش بقي نقول نخلية واحنا بس بنقرا ونهرب من الرد وبلاش نعمل فيها دمقراطين ونخلية بس علشان ميتقلش اننا رفضنا حاجة
بعد اذن الكل الموضوع ياريت يكون التصويت لقفل القسم ده لان كلنا واصغر من 18 بيقرا وميردش وممكن نسال محمد كام واحد قرا وكام واحد رد وكام واحد صغير قرا
خلي في ثقافة بس في حاجات تانية منكسفش لما حد من اهلنا يعدي اننا نقفل الصفحة علشان منتهزاش

من طرف **Admin** السبت ديسمبر 22, 2007 10:43 pm

احييكي يا هبة علي صراحتك
بس معلش
كلامك كلة غلط متزعليش مني
كلامك دة بتاع اجددنا
لو بصيتي انتي قلتي ان مكنش في زمان الكلام دة

لو جيتي تبصي هتلاقي اهلنا مش فاهمين حاجة
واكتر المشاكل بسبب الموضوع دة
لأنهم مش عارفين حاجة ولا فاهمين هما بيعملوا اية
ودة اكتر المشاكل اللي حاصلة اليومين دول وزمان
وهتلاقي في خلافات كتير

مهو الغريزة دي ربنا خلقها فينا
وخلقها في الحيوانات كمان

فأحنا دلوقتي
بنعمل زي الحيوانات
غريزة بنشبعها وخلاص
من غير ما نفهم اية هي ولا فيها اية
يعني تعاملنا تعامل حيواني
هل الست تحب ان جوزها يعتبرها اداة لأشباع الرغبة فقط
ولا تحب جوزها يعاملها تعامل حيواني بس
لو بصيتي
انا هتكلم كلام دلوقتي اقسم بالله واثق ان ماحد يعرفة غير عضو واحد فقط

الراجل لما بيكون مع زوجتة بيشبع رغبتة بس
والست مبتوصلش لحالة الاورجازم اللي المفروض توصل لها
يعني مهضوم حقها
حتي الست مش بتعطي زوجها حقة علي اكمل وجه
يعني من الاخر دة تعمل حيواني
وتعامل مهضوم الحقوق

حتي مفيش حد يعرف التكوين الفسيولوجي للراجل او الست

صدقوني انا بتكلم كدة لأن انا فاهم اهمية الموقف
ومحدش مقدرة
وكلة بيبص علي انه عيب
وغلط اقرأ الكلام دة

اللي احب اقولة ان دي غريزة ربنا حطها فينا
علشان يبقي في استمرارية للحياة وللجنس البشري
وانا مش عاوز اخرج عن الموضوع
بس انا قربت اخد قراري في القسم دة
وهو ان انا هلغية من منتدي احباب خالص
وهفتح منتدي جديد بأسم الحياة الزوجية

والل يحب يبقي معايا عضو فية
يتفضل يعرفني
بس انا عاوز يبقي في جرأة
دة طبعاً للي عاوز يعيش حياتة سعيدة
واسعد من اي حد

وكل واحد له حرية الاختيار
والقسم دة هيتقفل دلوقتي
يعني ولا هيتحط فية مواضيع ولا هيترد علية
لحد ما اخد كل الاراء